საზოგადოებამ იცის, რომ თემირლან მაჩალიკაშვილის გადასაყვანად მიმდინარეობდა აქტიური მოლაპარაკებები რამდენიმე უცხოურ კლინიკასთან, სახელმწიფომ გააკეთა ყველაფერი, ძალიან სამწუხაროა, რომ მისი გადარჩენა ვერ მოხერხდა, - ამის შესახებ საპარლამენტო უმრავლესობის წევრმა ირაკლი ბერაიამ განაცხადა.

ამასთან, დეპუტატის განცხადებით, მნიშვნელოვანია ყველამ გავაცნობიეროთ, რომ საქმე გვაქვს მსოფლიოსთვის უმძიმეს გამოწვევასთან - ტერორიზმთან და საქმე ეხება ჩვენი ქვეყნის უსაფრთხოებას.

”რომ არა ეს მასშტაბური და რამდენიმე ეტაპისგან შემდგარი კონტრტერორისტული ოპერაცია, ჩვენ დღეს ძალიან მძიმე შედეგებთან და რეალობასთან გვექნებოდა საქმე. ეს ასევე მთლიანად შეცვლიდა ჩვენი ქვეყნის მდგომარეობას და მის აღქმას საერთაშორისო საზოგადოების თვალში. რასაკვირველია, შვილის გარდაცვალება უმძიმესია ოჯახისთვის. შესაბამისად, ყველას მართებს განსაკუთრებული წინდახედულობა, რათა ეს არ იქნას გამოყენებული პოლიტიკური სპეკულაციისთვის.

აუცილებელია დაველოდოთ გამოძიების დასრულებას და რასაკვირველია, ცივილიზებულ სამყაროსთან ერთად გავაგრელოთ ბრძოლა ტერორიზმთან”, - განაცხადა ირაკლი ბერაიამ.