ქუთაისში ქურდობაში ეჭვმიტანილი ბინაში, კარადის თავზე დამალული იპოვეს

ქუთაისში, კუპრაძის ქუჩაზე, კორპუსის ერთ-ერთ ბინაში ქურდობაში ეჭვმიტანილი კარადის თავზე დამალული იპოვეს. ის საცხოვრებელ სახლში ბინის სახურავიდან ჩავიდა. როგორც კუპრაძის ქუჩაზე მცხოვრებლები ამბობენ, ქურდი ერთ-ერთმა მეზობელმა შენიშნა.

"მეზობელმა რომ დაინახა, უკვე აივანზე ძვრებოდა, თავდაპირველად ეგონა, რომ გადმოხტომას აპირებდა, ამიტომ პატრულში დარეკა, პოლიციამ კი ის ბინაში, კარადის თავზე დამალული იპოვა", - განუცხადა „ინტერპრესნიუსს“ ადგილობრივმა ლონდა მანაგაძემ.

საქართველოს შინაგან საქმეთა სამინისტროს ინფორმაციით, სამართალდამცველებმა ბრალდებული ქუთაისში, ერთ-ერთი მოქალაქის საცხოვრებელი ბინის გაქურდვის მცდელობისას, შემთხვევის ადგილზევე დააკავეს. გამოძიება ქურდობის მცდელობის ფაქტზე საქართველოს სსკ-ს 19-177-ე მუხლით მიმდინარეობს.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 26.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა