საქართველოს პრეზიდენტი გიორგი მარგველაშვილი საქართველოს ნავთობის საერთაშორისო კორპორაციის პირველი ხელმძღვანელისა და აზერბაიჯანის რესპუბლიკაში საქართველოს პირველი ელჩის გიორგი ჭანტურიას გარდაცვალების გამო ღრმა მწუხარებას გამოთქვამს.

„მის სახელს უკავშირდება საქართველოს წარმატება ბაქო-სუფსის ნავთობსადენის, ბაქო-თბილის-ჯეიჰანის ნავთობსადენისა და სამხრეთ -კავკასიური გაზსადენის მშენებლობის მოლაპარაკებებში და ამ პროექტების განხორციელებაში. თავად ეს პროექტები ევროპული ენერგეტიკული უსაფრთხოების ერთ-ერთ მთავარ ფაქტორად ჩამოყალიბდა, საქართველომ შეძლო საკუთარი გეოპოლიტიური როლის წარმოჩენა და კიდევ უფრო განამტკიცა და გააფართოვა საქართველო - აზებაიჯანს შორის მჭიდრო, მეგობრული და ეკონომიკური კავშირები. ბატონი გიორგის გარდაცვალება დიდი დანაკლისია. ვიზიარებ ამ მწუხარებას და ვუთანაგრძნობ მის ოჯახსა და ახლობლებს“, - ნათქვამია გიორგი მარგველაშვილის სამძიმრის წერილში.

გიორგი ჭანტურია 60 წლის ასაკში გარდაიცვალა.