ჩვენება რომ მიცემული აქვს ზურაბ გორნაკაშვილს ამას ვადასტურებ, თუმცა რა საფუძველით დააკავეს ზურაბ იდოიძე ამ ეტაპზე ჩემთვის უცნობია, - ამის შესახებ ტერორიზმის მხარდაჭერაში ბრალდებული ზურაბ გორნაკაშვილის ადვოკატმა ირაკლი ბენიამ ჟურნალისტებს განუცხადა. ადვოკატმა პროკურორის იმ განცხადებას უპასუხა, რომლის თანახმადაც, პანკისის ხეობაში გუშინ დაკავებული ზურაბ იდოიძე, საქმეში არსებული მტკიცებულებების, მათ შორის გორნაკაშვილის ჩვენების საფუძველზე დააკავეს.

"ჩვენება რომ მიცემული აქვს გორნაკაშვილს, ამას ვადასტურებ, თუმცა რა საფუძველით დააკავეს იდოიძე, ამ ეტაპზე ჩემთვის უცნობია. კონკრეტულად გვარებზე, სახელებზე რას ამბობს, რომელ ბრალდებულზე, რომელ მოწმეზე, რომელ მტკიცებულებაზე და ა.შ. ვერ ვიტყვი. მისი ჩვენების შინაარსობრივ მხარეზე საუბრის უფლება არ მაქვს", - აღნიშნა ბენიამ.