პაკისტანის თავდაცვის მინისტრი - პაკისტანმა აშშ-სთან თავდაცვისა და დაზვერვის სფეროში თანამშრომლობა შეაჩერა

პაკისტანის თავდაცვის მინისტრმა ხურამ დასთღირ ხანმა განაცხადა, რომ პაკისტანმა აშშ-სთან თავდაცვისა და დაზვერვის სფეროში თანამშრომლობა შეაჩერა.

„დაზვერვისა და თავდაცვის კუთხით აშშ-სთან თანამშრომლობის ფართო ხაზია, რომელიც ჩვენ შევაჩერეთ“, - განაცხადა მინისტრმა.

მისი თქმით, „პაკისტანსა და აშშ-ს შორის თავაზიანი და ამავდროულად გულწრფელი დიალოგის დრო დადგა“.

გასულ კვირას აშშ-ს სახელმწიფო დეპარტამენტში განაცხადეს, რომ აშშ პაკისტანს უსაფრთხოების სფეროში ფინანსური დახმარების გაწევას შეუჩერებს, ვიდრე პაკისტანის ხელისუფლება ქმედით ნაბიჯებს არ გადადგამს ტერორიზმთან ბრძოლაში. აღნიშნული ზომის ფარგლებში ამ დროისთვის პაკისტანისთვის დაახლოებით 900 მილიონი აშშ დოლარის ოდენობის დახმარების გაყინვა მოხდა.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
საქართველოს მოქალაქეები შეძლებენ უფასოდ გაიარონ კონსულტაცია უცხოელ ექიმებთან