უკრაინის შს მინისტრის მრჩეველი - სააკაშვილის მხრიდან ხმის ნიმუშის ჩაბარებაზე უარის თქმა მოწმობს მისი იმ დანაშაულში მონაწილეობას, რაშიც გენპროკურატურა სდებს ბრალს

სააკაშვილის მხრიდან ხმის ნიმუშის ჩაბარებაზე უარის თქმა მოწმობს მისი იმ დანაშაულში მონაწილეობას, რაშიც გენპროკურატურა სდებს ბრალს. ანუ ამ ნაბიჯით ფაქტობრივად დაადასტურა, რომ გენერალური პროკურორისგან წარმოდგენილ კურჩენკოსთან საუბრის ჩანაწერში ხმა მას ეკუთვნის, - განაცხადა უკრაინის შინაგან საქმეთა მინისტრის მრჩეველმა ზორიან შკირიაკმა.

ის თვლის, რომ სააკაშვილს გამოძიების პროცესის გაჭიანურება სურს, რათა პასუხისმგებლობას გაექცეს.

აქამდე უკრაინის გენერალურმა პროკურორმა იური ლიცენკომ განაცხადა, რომ კიევში სააკაშვილის მიერ ორგანიზებული აქციები ექს-პრეზიდენტის ვიქტორ იანუკოვიჩის გარემოცვის, კერძოდ კი, ბიზნესმენ სერგეი კურჩენკოს მიერ ფინანსდებოდა და უკრაინაში ხელისუფლების ჩამოსაგდებად იყო მიმართული. მან პარლამენტში და პრესკონფერენციაზე წარადგინა სატელეფონო საუბრების სავარაუდო ჩანაწერები, სადაც სააკაშვილი, კურჩენკო და სხვები ფიგურირებენ. სააკაშვილმა ბრალდებას ტყუილი უწოდა. გენერალური პროკურორის პრესმდივანმა განაცხადა, რომ ექსპერტიზამ სააკაშვილისა და კუჩენკოს ხმათა ნამდვილობა აღნიშნულ ჩანაწერებში დაადასტურა.

თორნიკე შარაშენიძე  - „ოცნებას“ სურს ხელისუფლებაში მესამე ვადითაც დარჩენა და ამისთვის სიტუაციას ამზადებს
ქართული პრესის მიმოხილვა 17.08.2019
მიხეილ უკლება - ანაკლიის პროექტის განსახორციელებლად დიდი მნიშვნელობა აქვს, როგორ დაბალანსდება შავი ზღვის რეგიონში გლობალური და რეგიონალური მოთამაშეების ინტერესები
კომპანიამ Aviabiletebi.org მობილური აპლიკაცია ანდროიდის სისტემაზეც განაახლა
SS.ge-ში გუგლის სერვისების ინტეგრაცია მოხდა
Cushman and Wakefield Georgia-ს კვლევის მიხედვით "გალერია თბილისი" თბილისის საუკეთესო სავაჭრო ცენტრად დასახელდა
საერთაშორისო სარეიტინგო კომპანია Scope Ratings-მა სს „ნიკორას“  BB- რეიტინგი მიანიჭა, სს „ნიკორა ტრეიდს“ B+ რეიტინგი დაუდასტურა