ჯაკარტაში, საფონდო ბირჟის შენობაში ნგრევის შედეგად 72 ადამიანი დაშავდა

ინდონეზიის დედაქალაქ ჯაკარტაში საფონდო ბირჟის შენობაში ერთ-ერთი გალერეის ჩამონგრევის შედეგად 72 ადამიანი დაშავდა. ამის შესახებ გამოცემა Jakarta Post იუწყება.

შემთხვევა საფონდო ბირჟაზე შესვენების დროს მოხდა.

პოლიციის განცხადებით, დედაქალაქის საავადმყოფოებში 72 ადამიანია გადაყვანილი.

მიმდინარეობს მომხდარის დეტალების გამოძიება.