წალკის მერის ინფორმაციით, თოვლისა და ნამქერის გამო, ფარავნის უღელტეხილზე ყველა სახის ტრანსპორტის გადაადგილება აკრძალულია

თოვლისა და ნამქერის გამო, წალკის მუნიციპალიტეტში, ფარავნის უღელტეხილზე ყველა სახის ტრანსპორტის გადაადგილება აკრძალული. როგორც ,,ინტერპრესნიუსს" წალკის მუნიციპალიტეტის მერმა ილია საბაძემ განუცხადა, წალკაში ქარბუქია და ყინვა - 8 გრადუსს აღწევს. ნამქერის გამო, რამდენიმე სოფელში გზების გაწმენდითი სამუშაოები შეფერხებულია.

”ხანდოში, ოდაკლარში, არსარვანში და ჩოლიანში გზების გაწმენდა ქარისა და ნამქერის გამო ვერ ხერხდება. როგორც კი ქარბუქი ჩადგება, ტენდერში გამარჯვებული კომპანია ,,დიდგორი" გზების გაწმენდას შეუდგება", - განაცხადა ილია საბაძემ.