ვახტანგ მჭედლიშვილი - განსაკუთრებული მადლობა პრეზიდენტს, რომელიც არასდროს ჩარეულა ჩემს საქმიანობაში

განსაკუთრებული მადლობა მინდა გადავუხადო საქართველოს პრეზიდენტს გამოცხადებული ნდობისთვის და იმ პირობისთვის, რომელიც მან დადოჩემთან და შეასრულა, ის არასდროს ჩარეულა ჩემს საქმიანობაში, - ამის შესახებ ჟურნალისტებს იუსტიციის საბჭოში პრეზიდენტ გიორგი მარგველაშვილის მიერ წარდგენილმა წევრმა ვახტანგ მჭედლიშვილმა განუცხადა. მან იუსტიციის უმაღლეს საბჭოში მისი მუშაობის ოთხწლიანი პერიოდი შეაფასა.

როგორც ვახტანგ მჭედლიშვილმა აღნიშნა, მიუხედავად იმისა, რომ საბჭოში მასთან ოპონირება არ იყო კომფორტული, მადლობას უხდის იუსტიციის საბჭოს თითოეულ წევრსა და მის ოპონენტს.

რაც შეეხება იმას, თუ სად გააგრძელებს სამომავლოდ საქმიანობას, ვახტანგ მჭედლიშვილის განცხადებით, ის კვლავ იურისპრუდენციაში რჩება. „დღეს ჩემი ბოლო სხდომა იყო. პირველ რიგში მინდა ქართულ საზოგადოებას გადავუხადო მადლობა იმისთვის, რომ ყოველთვის აქტუალური იყო მათთვის სასამართლო, მართლმსაჯულება და სასამართლო რეფორმა. საზოგადოება აქტიურად იყო ჩართული ამ პროცესებში. მინდა მადლობა გადავუხადო სამოქალაქო სექტორს აქტიურად მონაწილეობისთვის. მადლობა მინდა გადავუხადო ჩემს თანამოაზრეებს, იუსტიციის საბჭოს წევრებს, მათ შორის ოპონენტებსაც. თუმცა, შეიძლება ყოველთვის კომფორტული არ იყო ოპონირების პროცესი ჩემთან. მუშაობას ისევ ამ სფეროში გავაგრძელებ სხვადასხვა კუთხით“, - განაცხადა ვახტანგ მჭედლიშვილმა.

იუსტიციის უმაღლეს საბჭოში ვახტანგ მჭედლიშვილი საქართველოს პრეზიდენტის მიერ 4 წლის ვადით იყო წარდგენილი. მას ამ პოზიციაზე ანა დოლიძე ჩაანაცვლებს. მჭედლიშვილმა მის შემცვლელს წარმატებები უსურვა.

დავით ნარმანია - თუ არ გვინდა გაგვიძვირდეს ტარიფები, უნდა ავაშენოთ ჰესები
ქართული პრესის მიმოხილვა 23.10.2019
დიმიტრი შველიძე  -  მომავალი პარლამენტი ნაყიდი დეპუტატებით და ფრაქციებით აივსება
„პროკრედიტ ბანკი“ მომხმარებლებს ელექტრო მანქანის შესაძენად დაფინანსების ახალ შესაძლებლობას სთავაზობს
საქართველოში პირველად, უძრავი ქონების სკოლა Reschool გაიხსნება
კრისტალის საჭადრაკო ბლიც-თამაში "ყველა ქალი ჩემპიონია"
სასტუმრო „რადისონ ბლუ ივერიამ“ 10 წლის იუბილე აღნიშნა