სახალხო დამცველი პანკისის ხეობაში შეხვედრებს განაგრძობს. ამჯერად ნინო ლომჯარია ადგილობრივებს, პედაგოგებს და უხუცეს ქალთა საბჭოს წევრებს შეხვდა.

სახალხო დამცველთან ადგილობრივებმა სპეცოპერაციის შესახებ ისაუბრეს და დახმარება სთხოვეს, რომ ხელისუფლებან მათ შეკითხვებს პასუხი გასცეს.

"ძალიან მნიშვნელოვანი შეხვედრა იყო, მოვისმინეთ სახალხო დამცველის აზრი ჩატარებულ სპეცოპერაციაზე. ჩვენ ვუთხარით, რომ ხელისუფლებასთან შუამდგომლობაში დაგვეხმაროს, რადგან მთავრობა ვალდებულია ხეობის მცხოვრებლებს სპეცოპერაციის დეტალები გაგვაცნოს. ასევე აუცილებელია, ვიცოდეთ, თუ რატომ გახდა საჭირო თემირლან მაჩალიკაშვილის მისამართით გასროლა. ჩვენ არ ვეწინააღმდეგებით კანონებს, ჩვენ ასეთ მეთოდებს ვეწინააღმდეგებით. ამიტომ საჭიროა კითხვებზე პასუხი", - განუცხადა "ინტერპრესნიუსს" პანკისის ხეობის უხუცეს ქალთა საბჭოს წევრმა ეთერ ციხესაშვილმა.