”წითელ ხიდზე” არადეკლარირებული საქონელი აღმოაჩინეს

საბაჟო გამშვებ პუნქტში „წითელი ხიდი“ 15 იანვარს არადეკლარირებული საქონელი აღმოაჩინეს. როგორც „ინტერპრესნიუსს“ შემოსავლების სამსახურიდან აცნობეს, 15 იანვარს, საბაჟო გამშვებ პუნქტში „წითელი ხიდი“, ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, თურქეთის მოქალაქის უ.ა-ს, მართვის ქვეშ არსებული სამგზავრო ავტობუსის დათვალიერებისას, არადეკლარირებული საქონელი აღმოჩინეს. საქონლის საერთო საბაჟო ღირებულებამ 3,538.6 ლარი შეადგინა.

საქართველოს საგადასახადო კოდექსის 289-ე მუხლის მე-10- ნაწილის შესაბამისად, კანონდამრღვევ მოქალაქეს, ფულადი ჯარიმა 14,606 ლარის ოდენობით შეეფარდა.