ევროკომისიის პრეზიდენტის, ჟან-კლოდ იუნკერის განცხადებით, მას სურს, რომ დიდი ბრიტანეთი ევროკავშირის წევრად დარჩეს. ამის შესახებ ჟან-კლოდ იუნკერმა სტრასბურგში ევროპარლამენტში სიტყვით გამოსვლისას განაცხადა.

„მე კვლავ ვფიქრობ, რომ დიდი ბრიტანეთის ევროკავშირიდან გასვლა კატასტროფაა. ჩვენ გვსურს, რომ დიდი ბრიტანეთი ევროკავშირში დარჩეს. თუ მათ დარჩენა მოუნდებათ, მათ ასეთი შესაძლებლობა უნდა მივცეთ“, - აღნიშნა ევროკომისიის პრეზიდენტმა.

დიდი ბრიტანეთი ევროკავშირს 2019 წლის 29 მარტს დატოვებს.