ხარაგაულში გაფიცვა შეწყდა

ხარაგაულში გაფიცულებსა და კომპანია "ჩინეთის რკინიგზის 23- ე ბიუროს" შორის მოლაპარაკება წარმატებით დასრულდა. კომპანიამ გაფიცულების მოთხოვნები დააკმაყოფილა. მოლაპარაკების პროცესში რკინიგზის პროფკავშირი იყო ჩართული. გაფიცულები სამაუშაო პროცესს დაუბრუნდებიან.

აქცია ხარაგაულის მუნიციპალიტეტის სოფელ ბეჟათუბანში ორი დღის განმავლობაში მიმდინარეობდა. გაფიცულები უსაფრთხოების ნორმების დაცვას და საშვებულებო თანხის სრულად ანაზღაურებას ითხოვდნენ.