NDI-ის გამოკითხულთა 86% ადამიანისგან კარიერული წინსვლის სანაცვლოდ სექსუალური ხასიათის ქმედებების მოთხოვნას სექსუალურ შევიწროებად აფასებს. გამოკითხულთა 8% მიიჩნევს, რომ ეს სექსუალური შევიწროება არ არის, ხოლო 6% პასუხობს - არ ვიცი.

გამოკითხულთა 84% ასევე სექსუალურ შევიწროებად აფასებს სექსუალური შინაარსის კომენტარებით და სხვა ქცევებით სამსახურში არაკომფორტული/უხერხული გარემოს შექმნას. 9% არ ეთანხმება მოსაზრებას, რომ ეს არის სექსუალური შევიწროება, ხოლო 5%-ის პასუხი ამ კითხვაზე არის, რომ არ იცის.

გამოკითხულთა უმრავლესობა ასევე სექსუალურ შევიწროებად აფასებს შემდეგ გარემოებებს: არასასურველი სექსუალური ხასიათის შეთავაზება (83%), საზოგადოებრივ სივრცეში, როგორიცაა ავტობუსი, ქუჩა და ა.შ. უცხო ადამიანზე განზრახ შეხება(85%) და სექსუალური ხასიათის კომენტარის მიძახება ქუჩაში(67%).