ეკა ბესელია - მაჟორიტარებს იმდენად აქტიური საარჩევნო კამპანია ჰქონდათ, რომ ყველა ოლქი თავის მაჟორიტარს უნდა იცნობდეს

მაჟორიტარებს იმდენად აქტიური საარჩევნო კამპანია ჰქონდათ, რომ ყველა ოლქი თავის მაჟორიტარს უნდა იცნობდეს, - ასე ეხმაურება “ქართული ოცნების“ დეპუტატი ეკა ბესელია NDI-ის კვლევას, რომლის თანახმად, გამოკითხულთა უმრავლესობამ არ იცის, ვინ არის პარლამენტში მისი მაჟორიტარი დეპუტატი.

“მე მაინც მგონია, რომ ეს პირობითია და ასეთ ციფრებს პირობითად ვუყურებ. მგონია, რომ მაჟორიტარები არიან საკმაოდ აქტიურები და საკუთარ ამომრჩეველთან კიდევ უფრო თუ გააქტიურდებიან, ბუნებრივია, ეს უკეთესი იქნებოდა“, - განუცხადა ჟურნალისტებს ბესელიამ.

ეროვნულ-დემოკრატიული ინსტიტუტის (NDI) კვლევის თანახმად, გამოკითხულთა უმრავლესობამ არ იცის, ვინ არის მისი მაჟორიტარი დეპუტატი საქართველოს პარლამენტში.

კითხვაზე, ვინ არის თქვენი მაჟორიტარი დეპუტატი საქართველოს პარლამენტში, გამოკითხულთა 26%- მა სწორი პასუხი გასცა, 14%-მა არასწორი, ხოლო 59%-მა - არ იცის.

კვლევის საველე სამუშაოები 29 ნოემბერი-19 დეკემბრის პერიოდში ჩატარდა და საქართველოს მასშტაბით (ოკუპირებული ტერიტორიების გამოკლებით) 2 298 პირი გამოიკითხა.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს