მიხეილ ბენიძე NDI-ის კვლევაზე - ტენდენცია ნარჩუნდება, რომ საზოგადოების ნაწილი ამა თუ იმ პარტიის მხარდამჭერია, დიდი ნაწილი კი, ვერც ერთი პარტიისადმი ვერ ავლენს სიმპათიებს

წლებია ნარჩუნდება ის ტენდენცია, რომ საზოგადოების ნაწილი არის ამა თუ იმ პოლიტიკური პარტიის მხარდამჭერი, მაგრამ საზოგადოების ძალიან დიდი ნაწილი არის დისტანცირებული პროცესისგან, - ამის შესახებ "სამართლიანი არჩევნების" აღმასრულებელმა დირექტორმა, მიხეილ ბენიძემ განაცხადა.

ბენიძე "ეროვნულ-დემოკრატიული ინსტიტუტის" მიერ გამოქვეყნებული კვლევის იმ ნაწილს გამოეხმაურა, რომლის თანახმად, გამოკითხულთა დიდ ნაწილს გადაწყვეტილი არ აქვს თუ ვის მისცემს ხმას არჩევნებში.

"ზოგადად, არჩევნების კონტექსტში ცხადია მნიშვნელოვანია ეს კვლევები. ჩვენ გვახსოვს 2016 წლის კვლევები, არჩევნების წინ თითქმის გამოკითხულთა 60% აცხადებდა, რომ ჩამოყალიბებული პოზიცია არ ჰქონდა. უკვე წლებია ნარჩუნდება ტენდენცია, რომ საზოგადოების ნაწილი არის ამა თუ იმ პოლიტიკური პარტიის მხარდამჭერი, მაგრამ საზოგადოების ძალიან დიდი ნაწილი არის დისტანცირებული პროცესისგან, აქვს უნდობლობა პოლიტიკური პროცესისადმი და საზოგადოების დიდი ნაწილი ვერც ერთი პარტიისადმი ვერ ავლენს სიმპათიებს. ეს ალბათ არის დაფიქრების მიზეზი პოლიტიკური პარტიებისთვის, იმისთვის, რომ მათი პროგრამები იყოს ძალიან ახლოს საზოგადოების მოთხოვნებთან და გამოწვევებთან. ჩვენ ვხედავთ, რომ ამ კუთხითაც ვითარება უმჯობესდება. ადგილობრივი თვითმმართველობის წინ მაგალითად, ისეთი საკითხები როგორიც არის: გარემოს დაცვის, პარკირების თემები და ა.შ. ამ საკითხებზე მსჯელობა ნელ-ნელა საზოგადოებაში იწყება და ვხედავთ, რომ საზოგადოებაში არის მოთხოვნა ასეთ თემებზე. NDI-ის კვლევებშიც ადგილობრივ თემებში აღნიშნული საკითხები პირველ ხუთეულში იკავებს ადგილს ", - განაცხადა ბენიძემ.

თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
ქართული პრესის მიმოხილვა 16.09.2021
იოსებ ბარათაშვილი - თუ უმოკლეს ვადებში არ გამოქვეყნდა რა აუცილებლობით კეთდებოდა ფარული ჩანაწერები, ხელისუფლებას მოუწევს პასუხისმგებლობის აღება ძალზე მძიმე ბრალდებაზე
ნიუ ვიჟენ უნივერსიტეტი საზოგადოებას კინემატოგრაფიაში ამერიკულ სამაგისტრო პროგრამას სთავაზობს
კრიპტალი მომხმარებლებს 1 მილიონ შიბა ინუს (ელექტრონული ფული) ჩუქნის
BDO Digital-ი SWIFT-ის ოფიციალური პარტნიორი გახდა
BDO Digital-ი კომპანიებს აქტივების მართვის თანამედროვე გადაწყვეტას სთავაზობს