სერგო რატიანი NDI-ის კვლევაზე - ქვეყანაში არსებული მდგომარეობის ფონზე ცხადია, რომ გარკვეული ნიჰილიზმია პოლიტიკური პროცესების მიმართ
ქვეყანაში არსებული მდგომარეობის ფონზე ცხადია, რომ არის გარკვეული ნიჰილიზმი პოლიტიკური პროცესების მიმართ, - ამის შესახებ ოპოზიციონერმა დეპუტატმა სერგო რატიანმა ჟურნალისტებს NDI-ის კვლევის შედეგების შეფასებისას განუცხადა.
რატიანის თქმით, NDI-ის კვლევით ერთმნიშვნელოვანია, რომ მოსახლეობა არის უკმაყოფილო და აქვს საკმაოდ ბევრი პრეტენზია.
“გამოქვეყნებულმა კვლევამ აჩვენა, რომ მაღალია იმ ადამიანის პროცენტი, რომლებიც წუხან სიღარიბეზე, უმუშევრობაზე. პრობლემათა სამეულიდან ამოვარდნილია ტერიტორიული მთლიანობის საკითხი, რაც იმას ნიშნავს, რომ პირადი და ეკონომიკის პრობლების უკან გადაიწია საერთო ეროვნულმა პრობლემამ. ამ ფონზე ცხადია, რომ არის გარკვეული ნიჰილიზმი პოლიტიკური პროცესების მიმართ“, - განაცხადა სერგო რატიანმა.
