მოსამართლე მაია კვირიკაშვილი - თუ ვინმეს აქვს კითხვები ჩემს კვალიფიკაციასთან დაკავშირებით, ჩემი კარიერის შესახებ ინფორმაცია არის საჯარო და ყველას შეუძლია ნახოს

საქალაქო სასამართლოს ახლად არჩეული მოსამართლის, მაია კვირიკაშვილის თქმით, ეჭვი იმის შესახებ, რომ მის არჩევაში მისივე მეუღლე, იუსტიციის უმაღლესი საბჭოს მდივანი გიორგი მიქაუტაძე რაიმე ფორმით მონაწილეობდა, საფუძველს მოკლებულია.

როგორც კვირიკაშვილმა საკითხის კომენტირებისას აღნიშნა, მისი საქმიანობის და წარსულის შესახებ ინფორმაცია საჯაროა და ვისაც კითხვები აქვს, შეუძლია ნახოს.

"როდესაც იუსტიციის უმაღლეს სკოლაში ჩავაბარე, მაშინ გიორგი მოქაუტაძე არ იყო იუსტიციის უმაღლესი საბჭოს მდივანი. როგორც ყველა კონკურსანტმა, მეც გავიარე ყველა ეტაპი, მათ შორის გასაუბრება, ჩავაბარე გამოცდები. ჩემს მეუღლეს არ მიუღია მონაწილეობა ჩემთან დაკავშირებით პროცედურებში. თუ ვინმეს აქვს კითხვები ჩემს კვალიფიკაციასთან დაკავშირებით, ჩემი კარიერის შესახებ ინფორმაცია არის საჯარო და ყველას შეუძლია ნახოს. ჩემი მეუღლის თანამდებობამ და ამ უხერხულობამ არ უნდა გამოიწვიოს ის, რომ მე, როგორც დამოუკიდებელმა ადამიანმა, რომელსაც აქვს იურისტის 10 - წლიანი გამოცდილება, ჩემს კარიერულ წინსვლაზე ვთქვა უარი", - განაცხადა კვირიკაშვილმა.

მისი განმარტებით, უფლება ჰქონდა გასაუბრება დახურულ ფორმატში ჩაეტარებინა და მან ეს უფლება გამოიყენა.

ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა