რუსეთისა და ამერიკის პრეზიდენტების ცალკე შეხვედრა ჯერჯერობით არ მზადდება. ვლადიმერ პუტინისა და დონალდ ტრამპის შემდეგი კონტაქტი 2018 წლის მეორე ნახევარშია მოსალოდნელი. ამის შესახებ კრემლის პრესმდივანმა დიმიტრი პესკოვმა ტელეკომპანია Россия 1-ს განუცხადა.

„ჯერჯერობით, რაიმე ისეთი ცალკე შეხვედრა არ იგეგმება“, - აღნიშნა პესკოვმა და განმარტა, რომ რუსეთის პრეზიდენტს ექნება შესძლებლობა, დაელაპარაკოს ამერიკის პრეზიდენტს სხვადასხვა მოსალოდნელ საერთაშორისო მრავალმხრივ შეხვედრებზე, რომლებიც, „ალბათ, უახლოეს პერიოდში არ იგეგმება“.

პესკოვმა გაიხენა კრემლის ლიდერის სიტყვა, რომლის თანახმადაც, რუსეთი მზადაა ამერიკასთან ურთიერთობებში იმდენად შორს წავიდეს, რამდენადაც თავად ამერიკაა მზად.