საფრანგეთის თხოვნას, სირიის საკითხთან დაკავშირებით გაეროს უშიშროების საბჭოს საგანგებო სხდომის მოწვევის შესახებ, თურქეთი ეხმაურება და აცხადებს, რომ საფრანგეთის ეს სურვილი ანკარასთან ურთიერთობებზე აისახება.
CNN Türk-ის ინფორმაციით, ამასთან დაკავშირებით განცხადება თურქეთის საგარეო საქმეთა მინისტრმა მევლუთ ჩავუშოღლუმ ერაყში ვიზიტისას განაცხადა.
„ამბობენ, რომ საფრანგეთს სურს გაეროს უშიშროების საბჭოს საგანგებო სხდომის მოწვევა. ასეთ შემთხვევაში, ამას ჩვენ განვიხილავთ იმ კონტექსტში, რომ საფრანგეთი დგას ტერორისტების მხარეს და ეს ჩვენს ურთიერთობებზე იმოქმედებს“, - განაცხადა თურქეთის საგარეო საქმეთა მინისტრმა.