ბინალი ილდირიმი - ოპერაცია „ზეთისხილის ტოტი“ მიზნად ისახავს სირიაში, აფრინის რაიონში უსაფრთხოების ზონის შექმნას

ოპერაცია „ზეთისხილის ტოტი“ მიზნად ისახავს ჩრდილოეთ სირიის აფრინის რაიონში უსაფრთხოების ზონის შექმნას, - ამის შესახებ თურქეთის პრემიერ-მინისტრმა ბინალი ილდირიმმა განაცხადა.

მისი თქმით, უსაფრთხოების ზონა თურქეთისა და სირიის საზღვრის გაყოლებაზე უნდა შეიქმნას.

„ოპერაციის პირველი მიზანია უსაფრთხოების ზონის შექმნა, შემდეგ კი კონკრეტულ ზომებს მივიღებთ ტერორისტების გასანადგურებლად“, - განაცხადა ილდირიმმა.

მინისტრის თქმით, თურქეთის მოსაზღვრე რაიონში 8 000-დან 10 000-მდე ტერორისტი იმყოფება და თურქეთი ყველა მათგანს გაანადგურებს. მან ასევე აღნიშნა, რომ რუსეთი, აშშ და ირანი თურქეთის სამხედრო ოპერაციის გეგმის შესახებ ინფორმირებული იყვნენ.

„აშშ-ს მხრიდან დაბნეულობა შეიმჩნევა ოპერაცისთან მიმართებით. ყველა სხვადასხვას საუბრობს“, - თქვა მან.