ხორავას ქუჩაზე მოზარდების მკვლელობის საქმის პროკურორი - როდესაც დაზიანებებზე ვსაუბრობ, არ ნიშნავს, რომ ვინმემ ვინმეს დანა დაარტყა

როდესაც დაზიანებებზე ვსაუბრობ, ეს არ ნიშნავს ცალსახად, რომ ვინმემ ვინმეს დანა დაარტყა, - ამის შესახებ ჟურნალისტებს ხორავას ქუჩაზე მოზარდების მკვლელობის საქმის პროკურორმა, ზვიად ფხაკაძემ განუცხადა.

ჟურნალისტები დაინტერესდნენ, თუ ვინ დაჭრა კიდევ ორი ადამიანი ხორავას ქუჩაზე, მოზარდებს შორის მომხდარი ჩხუბის დროს.

პროკურორის თქმით, იმის დასადგენად, თუ როგორ მიადგა პირს დაზიანებები, გამოძიება მიმდინარეობს.

"დაზიანება შესაძლოა, წაქცევითაც მიეღო, მაგრამ თუ რა გარემოებებში და ვითარებაში, ვის მიერ მიადგა დაზიანება კონკრეტულ პირს, ამაზე მიმდინარეობს გამოძიება, გამოყოფილია ამ სისხლის სამართლის საქმიდან სხვა საქმე და ობიექტური გამოძიების ჩატარების შემდეგ დადგინდება, თუ რა ვითარებაში მოხდა დაზიანების მიყენება. მე როდესაც დაზიანებაზე ვსაუბრობ, ეს არ ნიშნავს ცალსახად, რომ ვინმემ ვინმეს დანა დაარტყა", - განაცხადა ზვიად ფხაკაძემ.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 23.09.2019
თათული ზაკალაშვილი - „ჰოთსეილი“ კონცეფციას იცვლის