კახა კალაძე - დაზარალებული ბინათმესაკუთრეები ხშირად ხდებიან ინვესტორების მძევლები და ამ მიმართულებით მერიის გეგმა შესაცვლელია

თბილისის მერი კახა კალაძე, დაზარალებულ ბინათმესაკუთრეთა მიმართ თბილისის მერიის მოქმედ გეგმას აკრიტიკებს.

როგორც კახა კალაძემ „იბერიას“ ეთერში საუბრისას განაცხადა, არსებული გეგმით დაზარალებულები ხშირად ხდებიან ინვესტორების მძევლები და ამ მიმართულებით გეგმა შესაცვლელია. მისივე თქმით, ამ პრობლემაზე საუბარი მალე უნდა დასრულდეს და მერია დაზარალებულ ოჯახებს მაქსიმალურად უნდა დაეხმაროს.

„არსებობს სქემა, რითაც თბილისის მერია მუშაობს დაზარალებულ ბინათმესაკუთრეებთან მიმართებაში. გამოყოფს კონკრეულ მიწის ფართობებს, შემდეგ ისინი ქმნიან ამხანაგობებს და ეძებენ ინვესტორებს. ძალიან ბევრი ქეისი მქონდა პირადად ჩემი მერობის პერიოდში, რომ ეს ადამიანები ხდებიან ინვესტორების მძევლები. შანტაჟი მიდის, თუ რა ფართი უნდა წაიღოს ინვესტორმა, რა დაზარალებულმა და ხშირ შემთხვევაში ინევსტორი ხდება მოგებული. ჩვენ გვინდა შევიმუშაოთ ისეთი გეგმა, რომ ამ ადამიანებს მაქსიმალურად შევუწყოთ ხელი და სამუდამოდ დავამთავროთ ამ პრობლემაზე საუბარი“, – განაცხადა კახა კალაძემ.

დავით ნარმანია - თუ არ გვინდა გაგვიძვირდეს ტარიფები, უნდა ავაშენოთ ჰესები
ქართული პრესის მიმოხილვა 23.10.2019
დიმიტრი შველიძე  -  მომავალი პარლამენტი ნაყიდი დეპუტატებით და ფრაქციებით აივსება
„პროკრედიტ ბანკი“ მომხმარებლებს ელექტრო მანქანის შესაძენად დაფინანსების ახალ შესაძლებლობას სთავაზობს
საქართველოში პირველად, უძრავი ქონების სკოლა Reschool გაიხსნება
კრისტალის საჭადრაკო ბლიც-თამაში "ყველა ქალი ჩემპიონია"
სასტუმრო „რადისონ ბლუ ივერიამ“ 10 წლის იუბილე აღნიშნა