ალასკასთან 8,2 მაგნიტუდის სიმძლავრის მიწისძვრა მოხდა

აშშ-ში, ალასკის შტატის სამხრეთ-აღმოსავლეთით 8,2 მაგნიტუდის სიმძლავრის მიწისძვრა მოხდა. ამის შესახებ აშშ-ს გეოლოგიური სამსახური იუწყება.

მიწისძვრის ეპიცენტრი ქალაქ კოდიაკიდან 278 კილომეტრში, 10 კილომეტრის სიღრმეზე მდებარეობდა.

ამ ეტაპზე დაშავებულთა შესახებ არანაირი ინფორმაცია არ ვრცელდება.

მომხდარის შემდეგ მიწისძვრის რადიუსში ცუნამის განგაში გამოცხადდა.