მოსამართლე - გავითვალისწინე, რომ გიორგი გიორგანაშვილი არ იყო ნასამართლევი და მას მინიმალური სასჯელი განესაზღვრა

მოსამართლე შორენა გუნცაძის განმარტებით, სასამართლომ მსახიობ გიორგი გიორგანაშვილის საქმეზე გადაწყვეტილების მიღებისას გაითვალისწინა მოწმეთა ჩვენებები და საქმეში არსებული მტკიცებულები.

როგორც მოსამართლემ აღნიშნა, სასამართლომ გაითვალისწინა ასევე ის, რომ გიორგი გიორგანაშვილი არ არის ნასამართლევი. სწორედ აქედან გამომდინარე, შორენა გუნცაძის განცხადებით, მას აღნიშნული მუხლით გათვალისწინებული მინიმალური სასჯელი განუსაზღვრა.

მსახიობ გიორგი გიორგანაშვილს 8 წლით თავისუფლების აღკვეთა მიესაჯა. გიორგი გიორგანაშვილი ბრალდებულია განსაკუთრებით დიდი ოდენობით ნარკოტიკული საშუალებით შეძენა-შენახვაში. თავად ბრალდებული წარდგენილ ბრალს არ აღიარებს და აღნიშნავს, რომ მას ნარკოტიკული საშუალებები „ჩაუდეს“.