მსახიობ გიორგი გიორგანაშვილთან სასჯელაღსრულების #8 დაწესებულებაში ადვოკატი შევიდა

მსახიობ გიორგი გიორგანაშვილთან სასჯელაღსრულების #8 დაწესებულებაში ადვოკატი შევიდა. როგორც ადვოკატმა გიორგი მახარაძემ დაწესებულებაში შესვლამდე ჟურნალისტებთან საუბრისას განაცხადა, ის საკუთარი დაცვის ქვეშ მყოფ პირს დაკავების შემდეგ პირველად მოინახულებს, გაესაუბრება განაჩენსა და სამომავლო სტრატეგიაზე.

„ჩვენ ვისაუბრებთ განაჩენზე, ასევე სამომავლო სტრატეგიაზე, თუმცა უფრო დეტალურად სტრატეგიაზე მას შემდეგ შეგვეძლება საუბარი, რაც სასამართლოდან განაჩენი ჩაგვბარდება და სამოტივაციო ნაწილს გავეცნობით“, - განაცხადა გიორგი მახარაძემ.

მისივე თქმით, დაცვის მხარე მოსამართლე შორენა გუნცაძეს გადაწყვეტილებას აუცილებლად გაასაჩივრებს.

გიორგი გიორგანაშვილს თბილისის საქალაქო სასამართლომ 8 წლით თავისუფლების აღკვეთა მიუსაჯა. მსახიობს ბრალი ედება დიდი ოდენობით ნარკოტიკული ნივთიერების შეძენა-შენახვაში.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 23.09.2019
თათული ზაკალაშვილი - „ჰოთსეილი“ კონცეფციას იცვლის