გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება.
როგორც „ინტერპრესნიუსს“ „ენერგო-პრო ჯორჯიადან“ აცნობეს, ხვალ 11:30-დან 18:00 საათამდე ელექტროენერგიის მიწოდება შეეზღუდება 337 აბონენტს დუშეთის რაიონის სოფლებში - ჭართალი, მუგუდა, დოლასქედი, ბუჩაანი, გვრიტო და მიმდებარე სოფლებს.
12:00-დან 13:00 საათამდე შეზღუდვა შეეხება 181 აბონენტს მცხეთის რაიონის სოფლებში - ციხისძირი, მუხრანი, ქსანი, აღაიანი, ავჭალის მასივი და მიმდებარე ტერიტორიას.
კომპანიის ინფორმაციით, სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.