ბათუმში ავტოსაგზაო შემთხვევის შედეგად დაშავებული ახალგაზრდა მამაკაცის ჯანმრთელობის მდგომარება სტაბილურია.

როგორც "ინტერპრესნიუსს" ბათუმის საერთაშორისო საუნივერსიტეტო ჰოსპიტალში განუცხადეს, დაშავებულს მრავლობითი დაჟეჟილობა აღენიშნება, თუმცა მის სიცოცხლეს საფრთხე არ ემუქრება.

ავტოსაგზაო შემთხვევა ბათუმში ცოტა ხნის წინ, პუშკინისა და ჯავახიშვილის ქუჩების კვეთაში მოხდა, სადაც მსუბუქი ავტომობილი ქვეითად მოსიარულეს დაეჯახა.