ოთარ დანელია რაიმუნდ იელეს შეხვდა

საქართველოს პარლამენტის აგრარულ საკითხთა კომიტეტის თავმჯდომარე, ოთარ დანელია გაერო-ს სურსათისა და სოფლის მეურნეობის ორგანიზაციის (FAO) წარმომადგენელს საქართველოში, რაიმუნდ იელეს შეხვდა.

როგორც ”ინტერპრესნიუსს” პარლამენტიდან აცნობეს, შეხვედრაზე აზიურ ფაროსანასა და სასურსათო უსაფრთხოების სახითხებზე ისაუბრეს.

როგორც აგრარულ საკითხთა კომიტეტის თავმჯდომარემ აღნიშნა, მავნებელთან ბრძოლის პროცესში აუცილებელია ფიტოსანიტარული კონტროლის გამკაცრება. ოთარ დანელიას განცხადებით, ამ მიმართულებით საერთაშორისო ორგანიზაციების ჩართულობა მნიშვნელოვანია ოკუპირებული აფხაზეთის საზღვართან.

შეხვედრაზე ასევე, სოფლის მეურნეობის დარგის განვითარების ხელშეწყობის პერსპექტივები და ძირითადი მიმართულებები განიხილეს.

დასასრულს, ხაზი გაესვა პარლამენტის მჭიდრო თანამშრომლობას საერთაშორისო ორგანიზაციებთან.