ქუთაისის მერმა გიორგი ჭიღვარიამ მერიის სამსახურის უფროსები წარადგინა. სამსახურის უფროსები კონკურსის გზით შეირჩნენ. მერიის კეთილმოწყობის სამსახურის უფროსად ბექა ყურაშვილი დაინიშნა, ადმინისტრაციული სამსახურის უფროსად - ლევან კინწურაშვილი, ეკონომიკისა და ქონების მართვის სამსახური გიორგი გიორგობიანმა ჩაიბარა, სამხედრო სამსახურს ლერი ყენია უხელმძღვანელებს, საბინაო ინფრასტრუქტურის განვითარების სამსახურის უფროსი ჯონი არაბიძე გახდა, ხოლო ზედამხედველობის სამსახურის უფროსი ზვიად ჯავახია იქნება. რაც შეეხება სოციალურ საკითხთა სამსახურს, მის უფროსად იოსებ ჩიჯავაძე რჩება.
ასევე დაინიშნენ განყოფილებების უფროსები.
მერის განცხადებით, მათი საქმიანობა იქნება ქალაქის კეთილდღეობასა და შედეგზე ორიენტირებული.
კონკურსანტებმა გასაუბრება 9 იანვარს გაიარეს.