დონალდ ტრამპმა განაცხადა, რომ აშშ პალესტინას დახმარებას შეუჩერებს, თუ ისრაელთან სამშვიდობო მოლაპარაკებებს არ დაიწყებენ

აშშ-ის პრეზიდენტმა დონალდ ტრამპმა განაცხადა, რომ აშშ პალესტინას დახმარებას შეუჩერებს, თუ ისრაელთან მშვიდობის დამყარების სურვილს არ გამოხატავენ.

მისი თქმით, პალესტინის ხელისუფლებამ აშშ-ს მიმართ უპატივცემულობა გამოიჩინა, როდესაც ვიცე-პრეზიდენტ მაიკ პენსს ახლო აღმოსავლეთში ტურნეს დროს არ შეხვდნენ.

ტრამპმა დავოსში მსოფლიო ეკონომიკური ფორუმის ფარგლებში ისრაელის პრემიერ-მინისტრთან ბენიამინ ნეთანიაჰუსთან შეხვედრისას იმედი გამოთქვა, რომ პალესტინურ საზოგადოებაში საღი აზრი გაიმარჯვებს და პალესტინელები მშვიდობისკენ მისწრაფებას გამოავლენენ.

„ერთი კვირის წინ პალესტინელებმა ჩვენდამი უპატივცემულობა გამოავლინეს, როდესაც ჩვენს ვიცე-პრეზიდენტს არ შეხვდნენ. ჩვენ მათ ასობით მილიონი დოლარის ოდენობის დახმარებას ვაძლევთ. ისინი ამ ფულს არ მიიღებენ, ვიდრე სამშვიდობო მოლაპარაკებებს არ შეუდგებიან“, - აღნიშნა დონალდ ტრამპმა.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს