მონადირეები ფოთის მერის მოადგილეებს და საკრებულოს წევრებს შეხვდნენ

ფოთში მიმდინარე აქციის მონაწილეებს ქალაქის მერის მოადგილეები და საკრებულოს წევრები შეხვდნენ.

როგორც ”ინტერპრესნიუსის” კორესპონდენტი იტყობინება, შეხვედრა კოლხეთის ეროვნული პარკის ვიზიტორთა ცენტრის საკონფერენციო დარბაზში გაიმართა. შეხვედრა ხმაურის ფონზე მიმდინარეობდა.

ადგილობრივი ხელისუფლების წარმომადგენლების განცხადებით, პრობლემაზე, რომელზეც მონადირეები საუბრობენ, მუნიციპალიტეტის დონეზე ვერ მოგვარდება. მათი თქმით, საქმის კურსში გარემოს დაცვისა და სოფლის მეურნეობის მინისტრს ჩააყენებენ, რათა გამოსავალი ერთობლივად იპოვონ.

”ჩვენი, როგორც ქალაქის ხელმძღვანელობის პოზიცია არის ერთადერთი, მივმართოთ სამინისტროს, რომ გამოყოს წარმომადგენლები, რომლებიც ადგილზე ჩამოვლენ, გაეცნობიან ამ პრობლემას და მიიღებენ შესაბამის გადაწყვეტილებას. იმის გამო, რომ აღნიშნული საკითხი კანონმდებლობით რეგულირდება, ჩვენ ჩარევისა და რაიმე ცვლილების შეტანის უფლება არ გვაქვს“, - განუცხადა ჟურნალისტებს ფოთის მერის პირველმა მოადგილემ, მამუკა პაპასკირმა.

ფოთში, მონადირეები ნადირობაზე შეზღუდვების მოხსნას ითხოვენ, ხოლო მოთხოვნების დაუკმაყოფილებლობის შემთხვევაში, პერმანენტული საპროტესტო აქციების მოწყობით იმუქრებიან.

ზურაბ ბატიაშვილი - სირიაში შექმნილი სიტუაციიდან ყველაზე მოგებულ პოზიციაში რუსეთი აღმოჩნდა, რაც ცუდი სიგნალია პროდასავლური ქვეყნებისა და ძალებისთვის
ქართული პრესის მიმოხილვა 15.10.2019
ნანა ჩაჩუა - ისეთ ცნებებთან და გრძნობებთან, როგორიცაა  სამშობლო და ღმერთი, პოლიტიკოსები ჯამბაზობენ და ამ მგრძნობიარე ინსტრუმენტებით ჯამბაზებივით ცდილობენ მანიპულირებას
ლუდი „სტაროპრამენის“ სიურპრიზები სმეგ მაცივრის გათამაშებით გრძელდება