გენერალური აუდიტორის მოადგილე ეკატერინე ღაზაძე „დემოკრატიული მმართველობის ინიციატივა საქართველოში“ (GGI, USAID) პროექტის TETRA TECH ARD ხელმძღვანელს, დევიდ სმიტს და TETRA TECH ARD ვიცე პრეზიდენტს საოპერაციო ნაწილში, ჯონ ნითლერს შეხვდა.
როგორც ”ინტერპრესნიუსს” აუდიტის სამსახურიდან აცნობეს, სამუშაო შეხვედრაზე განიხილეს სახელმწიფო აუდიტის სამსახურისა და „დემოკრატიული მმართველობის ინიციატივა საქართველოში“ (GGI, USAID) თანამშრომლობის საკითხები და ერთობლივი პროექტების განხორციელების შესაძლებლობები.
”დემოკრატიული მმართველობის ინიციატივა საქართველოში“ (GGI) პროექტის მიზანია საქართველოში გამჭვირვალობის, ანგარიშვალდებულებისა და ეფექტიანობის ამაღლება, მათ შორის, საკანონმდებლო და აღმასრულებელი შტოების სხვადასხვა დონეზე”, - განმარტავენ აუდიტის სამსახურში.
შეხვედრას ასევე ესწრებოდნენ სახელმწიფო ბიუჯეტის ანალიზისა და სტრატეგიული დაგეგმვის დეპარტამენტის უფროსი მარიკა ნაცვლიშვილი და GGI, USAID-ის საკანონმდებლო და ზედამხედველობის უფროსი მენეჯერი ნინო ვარდოსანიძე.