პარლამენტის აპარატსა და საზოგადოებრივ საქმეთა ინსტიტუტს შორის ურთიერთთანამშრომლობის მემორანდუმს მოეწერა ხელი

საქართველოს პარლამენტის აპარატსა და საზოგადოებრივ საქმეთა ინსტიტუტს (GIPA) შორის ურთიერთთანამშრომლობის მემორანდუმი გაფორმდა.

როგორც ”ინტერპრესნიუსს” პარლამენტის პრესსამსახურიდან აცნობეს, მემორანდუმის მიზანია საგანმანათლებლო და საჯარო სექტორებს შორის თანამშრომლობის გაღრმავება, ერთი მხრივ, სტუდენტების პრაქტიკული უნარ-ჩვევების განვითარების და მეორე მხრივ, საჯარო სექტორში დასაქმებული პირების კვალიფიკაციის ამაღლების მიზნით.

მემორანდუმს ხელი საქართველოს პარლამენტის აპარატის უფროსმა, ნიკოლოზ ნათენაძემ და უნივერსიტეტის რექტორმა, მარინე იოსელიანმა მოაწერეს.

”მემორანდუმი მიზნად ისახავს ორმხრივ თანამშრომლობას, ერთი მხრივ, ჩვენი თანამშრომლებისთვის გარკვეული ბენეფიტების განხორციელებას საგანმანათლებლო კურსით, ხოლო მეორე მხრივ, ჩვენ მაქსიმალურად შევეცდებით შესაძლებლობა მივცეთ სტუდენტებს გაიარონ პრაქტიკა პარლამენტში, საპარლამენტო საქმიანობის გაცნობის კუთხით და მიიღონ ის ცოდნა, რომელიც მათ მომავალში თავიანთი საქმიანობისთვის გამოადგებათ“, - აღნიშნა ნიკოლოზ ნათენაძემ.

საზოგადოებრივ საქმეთა ინსტიტუტის რექტორის, მარინე იოსელიანის განცხადებით, პარლამენტთან გაფორმებული მემორანდუმი საზოგადოებრივ საქმეთა ინსტიტუტისთვის ძალიან მნიშვნელოვანია.

„ეს არის ურთიერთობა იმ ინსტიტუციასთან, სადაც სტუდენტები გაივლიან სტაჟირებას და მოხდება იმ ცოდნის განმტკიცება, რომელსაც სტუდენტები საჯარო მმართველობის პროგრამებზე საზოგადოებრივ საქმეთა ინსტიტუტში იღებენ. ეს არის არაჩვეულებრივი შანსი იმისთვის, რომ სტუდენტებმა ადგილზე მოახერხონ საკუთარი შესაძლებლობების გამოვლენა. ძალიან დიდი მადლობა პარლამენტის თანამშრომლებს ამ ინიციატივისთვის და იმ საქმის მხარდაჭერისთვის, რასაც საზოგადოებრივ საქმეთა ინსტიტუტი ემსახურება“, - განაცხადა მარინე იოსელიანმა.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს