ბელგიის პრემიერი - ევროკავშირმა გადაწყვიტა, რომ რუსეთის წინააღმდეგ სანქციების გაძლიერებას მხარი არ დაუჭიროს

ევროკავშირმა გადაწყვიტა, რომ რუსეთის წინააღმდეგ სანქციების გაძლიერებას მხარი არ დაუჭიროს, - ამის შესახებ ბელგიის პრემიერ-მინისტრმა შარლ მიშელმა რუსეთის პრემიერ-მინისტრ დიმიტრი მედვედევთან შეხვედრის შემდეგ განაცხადა.

“გვსურს აღვნიშნოთ, რომ ევროკავშირმა გადაწყვიტა სანქციების გაძლიერებას მხარი არ დაუჭიროს”, - განაცხადა მიშელმა.

მისი თქმით, რუსეთსა და ევროკავშირს შორის რამდენიმე საკითხზე უთანხმოება არსებობს, თუმცა დიალოგი მიმდინარეობს.

“დიალოგი არის ერთადერთი სწორი გზა იმისთვის, რომ უკეთ გავიგოთ სხვადასხვა პროცესები და უფრო მეტ სტაბილურობას მივაღწიოთ”, - აღნიშნა ბელგიის პრემიერ-მინისტრმა.

მან ასევე აღნიშნა, რომ სანქციები თვითმიზანი არ არის, დიალოგი კი იმისთვის არის საჭირო, რომ “უკეთ ვიპოვოთ გზა, რომელიც რუსეთსა და ევროკავშირს შორის სტრატეგიული ნაყოფიერი ურთიერთობების შესაქმნელად არის გასავლელი”.

მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
ქართული პრესის მიმოხილვა 12.11.2019
ვახტანგ ძაბირაძე - ოპოზიციაში არ ჩანს ოპოზიციური ძალა, რომელიც ოპოზიციურად განწყობილი პოლიტიკური ძალებისა და ელექტორატის ლიდერი გახდებოდა
„სამ რაან სპა-ცენტრი“ ევროპის საუკეთესო სპად დასახელდა