საფრანგეთში გაზეთ Charlie Hebdo-ს რედაქციაზე და კოშერული საკვების მაღაზია Hyper-Cacher-ზე 2015 წელს მომხდარი თავდასხმის საქმეზე ოთხი ადამიანი დააკავეს. ამის შესახებ სააგენტო AFP იუწყება.

30-დან 36 წლამდე ასაკის ოთხი მამაკაცი დაკავებულია „იმ როლის დასადგენად, რომელიც მათ, შესაძლოა, ტერაქტების განმახორციელებლებისთვის იარაღის მიწოდებაში შეასრულეს“.

შეგახსენებთ, რომ 2015 წლის 7 იანვარს გაზეთ Charlie Hebdo-ს რედაქციაზე თავდასხმა ძმებმა საიდ და შერიფ კუაშებმა მოაწყვეს. დაიღუპა 12 ადამიანი, თავდამსხმელები კი პოლიციის თანამშრომლებმა სპეცოპერაციის დროს მოკლეს.

ამის შემდეგ მათმა თანამზრახველმა ამედი კულიბალიმ ჯერ პარიზის შემოგარენში პოლიციის თანამშრომელი მოკლა, შემდეგ კი მაღაზია Hyper-Cacher-ში მძევლები აიყვანა და ოთხი ადამიანი მოკლა. ამედი კულიბალი მაღაზიის შტუმრის დროს მოკლეს.