ვაშინგტონი „მოხსენებაზე კრემლის შესახებ“ და რუსეთის წინააღმდეგ სანქციებზე ურთიერთსაწინააღმდეგო განცხადებებით თავს წარმოაჩენს, როგორც არაპროგნოზირებადი პარტნიორი, - ამის შესახებ რუსეთის პრეზიდენტის პრეს-მდივანმა დიმიტრი პესკოვმა განაცხადა.
”სამწუხაროდ, აშშ-ს სახით საქმე გვაქვს არაპროგნოზირებად პარტნიორთან, ამერიკული მხარის მოქმედებებში ძალიან ბევრი წინააღმდეგობა და არაპროგნოზირებულობაა. ძალიან ადვილადაა შესაძლებელი გუშინ გაკეთებული განცხადებების გაანალიზება. თავად მოხსენებაში წერია, რომ არ წარმოადგენს სანქციებს ან შეზღუდვებს, შემდეგ კი ისმის ოფიციალური განცხადებები, რომ ეს სანქციების დასაწყისია, შემდეგ - ურთიერთგამომრიცხავი სიტყვები და ა.შ.“ - განაცხადა პესკოვმა.
გუშინ აშშ-ს ხაზინის დეპარტამენტმა ე.წ. კრემლის სია გამოაქვეყნა, სადაც 114 რუსი პოლიტიკოსი და 96 ბიზნესმენია შეყვანილი.