ირაკლი შოთაძე სამსონ ქუთათელაძის საქმეზე - მოპოვებულია მტკიცებულებები, რომლებიც გარკვეულ ვერსიებს ამყარებს, გარკვეულს კი აბათილებს

საქართველოს მთავარი პროკურორის, ირაკლი შოთაძის განცხადებით, გენერალ სამსონ ქუთათელაძის მკვლელობის საქმეზე გარკვეული ვერსიები არსებობს.

როგორც პროკურორმა ჟურნალისტებს საკითხის კომენტირებისას განუცხადა, გამოძიებას გარკვეული მტკიცებულებები აქვს მოპოვებული.

”რა თქმა უნდა, არის ვერსიები, არის უკვე მოპოვებული გარკვეული მტკიცებულებები, რომლებიც გარკვეულ ვერსიებს ამყარებს და გარკვეულს აბათილებს, თუმცა დეტალებზე გამოძიების ინტერესებიდან გამომდინარე, ვერ ვისაუბრებ”, - განაცხადა ირაკლი შოთაძემ.

შეგახსენებთ, რომ ე.წ. სტამბოლის ბაზრობის დირექტორი, ყოფილი პარლამენტარი და გენერალი სამსონ ქუთათელაძე 15 იანვარს მოკლეს. ეჭვმიტანილის ვინაობა და მკვლელობის მოტივი ამ ეტაპზე უცნობია.