ნიგერიაში, ბორნოს შტატში მდებარე ლტოლვილთა ბანაკში ტერაქტის შედეგად 5 ადამიანი დაიღუპა და 39 დაშავდა. ამის შესახებ ადგილობრივი გამოცემა Nation წერს.
ტერაქტი ქალაქ დალორიში განლაგებულ ლტოლვილთა ბანაკში მოხდა.
შტატის საგანგებო სიტუაციების სამსახურის ხელმძღვანელის სატომი აჰმადის განცხადებით, თვითმკვლელმა ტერორისტმა ქალმა ბანაკის ტერიტორიაზე შეაღწია და მოქმედებაში მოიყვანა ასაფეთქებელი მოწყობილობა, რის შედეგადაც 5 ადამიანი დაიღუპა. კიდევ ერთმა ტერორისტმა ქალმა თავი საცხოვრებელ სახლებთან აიფეთქა. მეორე აფეთქების შედეგად არც ერთი მშვიდობიანი მოსახლე არ დაშავებულა.