პოეტ დავით მაღრაძეს იტალიის პრეზიდენტმა სოლიდარობის ვარსკვლავის ორდენის კავალერის წოდება მიანიჭა. წერილში, რომელიც დავით მაღრაძემ მიიღო,აღნიშნულია, რომ სოლიდარობის ვარსკვლავის ორდენის კავალერის წოდება არის მადლიერების გამოხატულება, რომელსაც პოეტი ორი ქვეყნის კულტურული კავშირის განმტკიცებისთვის ეწევა.
”წერილში აღნიშნულია, რომ სოლიდარობის ვარსკვლავის ორდენის კავალერის წოდება არის მადლიერების გამოხატულება, რომელსაც ორი ქვეყნის კულტურული კავშირის განმტკიცებისთვის ვეწევი. ასევე აღნიშნულია, რომ იტალიისა და საქართველოს მეგობრობა შორეულ წარსულში იღებს დასაბამს. წერილის ავტორი, ბატონი ანტონიო ენრიკო ბარტოლი იმედს გამოთქვამს, რომ ”იტალია-საქართველო” ჩემი ხელმძღვანელობით კონკრეტული პროექტებითა და ინიციატივებით მომავალში კიდევ უფრო მეტად განავითარებს და გაამდიდრებს არსებულ შესანიშნავ ურთიერთობებს”, - განაცხადა დავით მაღრაძემ ”ინტერპრესნიუსთან” საუბრისას.