მნიშვნელოვანია ის სამართალწარმოების პროცესი, რომლითაც უნდა დადგინდეს, თუ რა პრობლემა ჰქონდა პროცესს დაწყებული ნულიდან სამუშაოების დასრულებამდე, - ამის შესახებ თბილისის საკრებულოს სატრანსპორტო საკითხთა და ურბანული დაგეგმარებისა და საქალაქო მეურნეობის კომისიების გაერთიანებული სხდომის დასრულების შემდეგ, დედაქალაქის მერის მოადგილემ, ირაკლი ხმალაძემ განაცხადა.

მისი თქმით, თბილისის მერია წარმოადგენს კონკრეტულ კონცეფციას, რომლის მიხედვითაც დედაქალაქში მცხოვრები მოსახლეობა დაზღვეული იქნება ინფრასტრუქტურული პროექტების უხარისხოდ შესრულებისგან.

“უახლოეს დღეებში წარმოვადგენთ ახალ კონცეფციას, რომლის მიხედვითაც დედაქალაქის მოსახლეობა მომავალში დაზღვეული იქნება ინფრასტრუქტურული პროექტების შესრულებაზე ასეთი ფაქტებისგან. კვლავ მნიშვნელოვანია ის სამართალწარმოების პროცესი, რომლითაც უნდა დადგინდეს, თუ რა პრობლემა ჰქონდა პროცესს დაწყებული ნულიდან სამუშაოების დასრულებამდე, რათა დადგეს კონკრეტული პირების პასუხისმგებლობის საკითხი და შეიცვალოს ის პროცედურები და მექანიზმები, რომლითაც ხორციელდება საზოგადოებრივი ინფრასტრუქტურის შექმნა”, - განაცხადა ირაკლი ხმალაძემ.