რაც გიორგი მარგველაშვილმა ხასიათი გამოავლინა და ივანიშვილის მითითებები არ შეასრულა, იქედან მოყოლებული მთელი სახელისუფლებო აპარატი პრეზიდენტის წინააღმდეგ ყველანაირი მეთოდით ჩაება ბრძოლაში, - ამის შესახებ „პალიტრანიუსის“ გადაცემაში „360 გრადუსი“ პარტია „ევროპული საქართველოს წევრმა, ოთო კახიძემ განაცხადა.

დეპუტატის თქმით, სახელისუფლებო გუნდი აქტიურად ცდილბს პრეზიდენტის ინსტიტუტის დაკნინებას, რაც ქვეყნისთვის დამაზიანებელია.

„რაც გიორგი მარგველაშვილმა ხასიათი გამოავლინა და ივანიშვილის მითითებები არ შეასრულა, იქიდან მოყოლებული მთელი სახელისუფლებო აპარატი პრეზიდენტის წინააღმდეგ ყველანაირი მეთოდით ბრძოლაში ჩაება. ჩვენ ბოლო წლების განმავლობაში გაუთავებელ კინკლაობას ვადევნებთ თვალს, თუ როგორ ესხმიან თავს პრეზიდენტის ინსტიტუტს, ცდილობენ დააკნინონ. ეს კინკლაობა იმ დონემდეც კია დასული, რომ პრეზიდენტის გამოსახლებას ითხოვდნენ რეზიდენციიდან, რომელშიც პრეზიდენტი თავის საქმიანობას ახორციელებს“, - განაცხადა ოთო კახიძემ.