აშშ-ს თავდაცვის მინისტრი - პენტაგონი ავღანეთში დამატებით ათასი ჯარისკაცის გაგზავნას არ აპირებს

პენტაგონი ავღანეთში დამატებით ათასი ჯარისკაცის გაგზავნას არ აპირებს, - ამის შესახებ აშშ-ს თავდაცვის მინისტრმა ჯეიმს მეტისმა განაცხადა.

„ჩვენ უკვე გამოვაქვეყნეთ სტრატეგია და მიახლოებული ციფრები. თუ თქვენ დამატებით 1000 ან 5000 ჯარისკაცის გაგზავნას გულისხმობთ - მსგავსი გეგმები მე არ მაქვს“, - განუცხადა მეტისმა ჟურნალისტებს.

შეგახსენებთ, რომ გაზაფხულზე ავღანეთში დამატებით 1000 ამერიკელი ჯარისკაცის გაგზავნაზე გაზეთი „ვაშინგტონ პოსტი“ წერდა.