არჩილ თალაკვაძე - აუდიტის დასკვნებში ოპოზიციამ შეიძლება სკანდალი მოძებნოს, მაგრამ რეალურად ეს არის შესაძლებლობა, რომ ფინანსები ეფექტურად იყოს მართული

აუდიტის დასკვნებში ოპოზიციამ შეიძლება სკანდალი მოძებნოს, მაგრამ რეალურად ეს არის შესაძლებლობა, რომ მომავალში საჯარო ფინანსები უფრო ეფექტურად იყოს მართული, - ამის შესახებ საპარლამენტო უმრავლესობის ლიდერმა არჩილ თალაკვაძემ პარლამენტის ნდობის ჯგუფის შეხვედრის დასრულების შემდეგ განაცხადა, რომელზეც აუდიტის სამსახურის მიერ თავდაცვისა და სასჯელაღსრულების სამინისტროებში ჩატარებული შემოწმების ანგარიშებზე იმსჯელეს.

როგორც არჩილ თალაკვაძემ აღნიშნა, აუდიტის სამსახურს ზედამხედველობის და კონტროლის ეფექტიანობის შემოწმების თვალსაზრისით ძალიან მნიშვნელოვანი და საინტერესო სამუშაო აქვს შესრულებული.

არჩილ თალაკვაძე ამ ინსტიტუტის როლის გააქტიურებას მიესალმა.

„რაც შეეხება სასჯელაღსრულებისა და თავდაცვის უწყებებთან დაკავშირებულ დასკვნებს, შემიძლია გითხრათ, რომ ორივე მინისტრის პირობებში არის ადმინისტრირების გაუმჯობესების ტენდენცია. ის ხარვეზები, რომელთა მოცულობაც შემცირებულია, უკვე არის დარეგულირების პროცესში. რა თქმა უნდა, ამ დასკვნებში ოპოზიციამ შეიძლება სკანდალი მოძებნოს, მაგრამ რეალურად ეს არის შესაძლებლობა, რომ მომავალში საჯარო ფინანსები და პროცესი უფრო ეფექტურად იყოს მართული“, - განაცხადა თალაკვაძემ.

რაც შეეხება გარკვეულ ხარვეზებს, არჩილ თალაკვაძის განცხადებით, ეს არის ძირითადად ადმინისტრაციული საკითხები, „რომელზეც ნდობის ჯგუფი და პარლამენტი შესაბამის რეკომენდაციებს დაამუშავებს და ზედმიწევნით გააკონტროლებს, რომ რეკომენდაციები გონივრულ დროში იყოს შესრულებული“.

ზურაბ ბატიაშვილი - სირიაში შექმნილი სიტუაციიდან ყველაზე მოგებულ პოზიციაში რუსეთი აღმოჩნდა, რაც ცუდი სიგნალია პროდასავლური ქვეყნებისა და ძალებისთვის
ქართული პრესის მიმოხილვა 15.10.2019
ნანა ჩაჩუა - ისეთ ცნებებთან და გრძნობებთან, როგორიცაა  სამშობლო და ღმერთი, პოლიტიკოსები ჯამბაზობენ და ამ მგრძნობიარე ინსტრუმენტებით ჯამბაზებივით ცდილობენ მანიპულირებას
ლუდი „სტაროპრამენის“ სიურპრიზები სმეგ მაცივრის გათამაშებით გრძელდება