გიორგი მარგველაშვილი არ გამორიცხავს, რომ მაუწყებლობის შესახებ კანონზე პარლამენტმა ვეტო დაძლიოს

საქართველოს პრეზიდენტი გიორგი მარგველაშვილი არ გამორიცხავს, რომ მაუწყებლობის შესახებ კანონს, რომელსაც ვეტო დაადო, პარლამენტმა დაძლიოს. ამის შესახებ პრეზიდენტმა ტელეკომპანია „იბერიას“ ეთერში განაცხადა. მისი თქმით, კანონპროექტებს, რომლებსაც ვეტო დაადო და შემდეგ პარლამენტმა დაძლია, მოგვიანებით ცვლილებები კვლავ შევიდა.

„რა ვეტოც დავადე, რომელიც ვეტოც გამოვიყენე, ყველა ვეტო, მერე ისევ გადაწერეს. მაგალითად, ვეტო ეროვნული ბანკის თაობაზე, ვეტო კონსტიტუციაზე, რაზეც ვეუბნებოდი, რომ ეს ცვლილებები შეასატანია, დღეს თავად შეაქვთ ეს ცვლილებები... ძალიან დიდი შანსია ეს ვეტო დაძლიონ. თუნდაც მარტო იმისთვის, რომ იგრძნონ ემოცია - ჩვენ შეგვიძლია ვეტოს დაძლევა. უყურებთ ხოლმე ეთერს, როდესაც ვეტოს გამოვაცხადებ, მერე როგორი ემოციაა?! უცებ ამბობენ - „ჩვენ ვეტოს დაძლევა შეგვიძლია“ . ერთიანობის, აღფრთოვანების განცდაა, რომ თურმე ვეტოს დაძლევა შეუძლიათ. შესაძლოა, მარტო პოლიტიკური რაღაცის გამო დაძლიონ. მერე აიღონ და ისევ ის კანონი დაწერონ, რაც მე ვეტოში დავუწერე. ასე არაერთხელ ყოფილა“, - განაცხადა მარგველაშვილმა.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს