ეკა ბესელია - არც ერთ შესყიდვასთან დაკავშირებით სისხლის სამართლის დანაშაულის ფორმალური შემადგენლობაც კი არ იკვეთება

არც ერთ შესყიდვასთან დაკავშირებით სისხლის სამართლის დანაშაულის ფორმალური შემადგენლობაც კი არ იკვეთება, - ამის შესახებ საპარლამენტო უმრავლესობის წევრმა ეკა ბესელიამ გუშინ პარლამენტის ნდობის ჯგუფის შეხვედრის დასრულების შემდეგ განაცხადა, რომელზეც აუდიტის სამსახურის მიერ თავდაცვისა და სასჯელაღსრულების სამინისტროებში ჩატარებული შემოწმების ანგარიშებზე იმსჯელეს.

ბესელიას განცხადებით, 2013 წლამდე პერიოდთან შედარებით, უდაოდ ძალიან მნიშვნელოვანი პროგრესი და დადებითი სურათია.

„ის პრობლემები, დარღვევები, ხარვეზები, რომელზეც აუდიტის სამსახური ამ უწყებებში 2013 წლამდე პერიოდში წერდა, დღეს აღმოფხვრილია. ანგარიშში რეკომენდაციების შესრულების კუთხით დადებითი დინამიკა და სურათია. არც ერთ შესყიდვასთან დაკავშირებით სისხლის სამართლის დანაშაულის ფორმალური შემადგენლობაც კი არ იკვეთება. მთლიანობაში ჩვენ გვქონდა ძალიან საინტერესო დისკუსია იმისთვის, რომ დაგვენახა ამ დადებითი დინამიკისა და ტენდენციების უფრო ღრმა შინაარსი. ამდენად ვფიქრობ, რომ ეს იყო საინტერესო მოსმენა“, - განაცხადა ბესელიამ.

ნდობის ჯგუფის სხდომას გენერალური აუდიტორი ირაკლი მექვაბიშვილი და აუდიტის სამსახურის სხვა წარმომადგენლები ესწრებოდნენ.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს