მიხეილ სააკაშვილი - არც ერთი სახელმწიფოს პასპორტი არ მაქვს, მაქვს მხოლოდ ერთადერთი ცნობა, რომელიც ადასტურებს, რომ მე ვარსებობ და უნდათ, რომ ის ჩამომართვან

კიევის სააპელაციო ადმინისტრაციულმა სასამართლომ საქართველოს ყოფილი პრეზიდენტის, მიხეილ სააკაშვილის მიერ სახელმწიფო საიმიგრაციო სამსახურის წინააღმდეგ შეტანილი სარჩელის განხილვა დაიწყო.

სასამართლო სხდომის დაწყებამდე საქართველოს ყოფილმა პრეზიდენტმა ჟურნალისტებს სიტყვით მიმართა.

„მე უკრაინაში შარშან სექტემბერში დავბრუნდი. მას შემდეგ ერთი საბუთი მაქვს, ცნობა, რომლის მეშვეობითაც გადავაადგილდები. ეს ერთადერთი საბუთია, რომელიც ადასტურებს, რომ მე ვარსებობ. მე არც ერთი სახელმწიფოს პასპორტი არ მაქვს. მე მაქვს მხოლოდ ქაღალდი, ეს ცნობა, რომელიც ადასტურებს, თუ ვინ ვარ მე. თუმცა, მაგალითად, ნოტარიუსები არ იღებენ ამ საბუთს. ახლა კი პოროშენკოს სასამართლოს სურს, ჩამომართვას ეს საბუთი“, - განაცხადა მიხილ სააკაშვილმა.

მისი თქმით, მიუხედავად იმისა, თუ რა გადაწყვეტილებას მიიღებს დღეს სასამართლო, „უკრაინის ხელისუფლებას მაინც მოეღება ბოლო“.

„თუ ისინი დღეს გადაწყვეტილებას მიიღებენ, ამ საბუთის გადაგდება შეიძლება და გამოვა, რომ მე არ ვარსებობ. წარმოიდგინეთ, თუ ჩემს შემთხვევაში ყველაფერს აკეთებენ, რომ დოკუმენტალურად გავქრე, რას უზამენ რიგით მოქალაქეებს, ვისაც კამერები და ჟურნალისტები არ დაყვება? მიუხედავად იმისა, მიიღებენ ისინი დღეს გადაწყვეტილებას თუ არა, მიუხედავად იმისა, გამაგდებენ თუ არა ქვეყნიდან, მათ მაინც ბოლო მოეღებათ. ამაში დარწმუნებული ვარ“, - დასძინა მან.

დავით ნარმანია - თუ არ გვინდა გაგვიძვირდეს ტარიფები, უნდა ავაშენოთ ჰესები
ქართული პრესის მიმოხილვა 23.10.2019
დიმიტრი შველიძე  -  მომავალი პარლამენტი ნაყიდი დეპუტატებით და ფრაქციებით აივსება
„პროკრედიტ ბანკი“ მომხმარებლებს ელექტრო მანქანის შესაძენად დაფინანსების ახალ შესაძლებლობას სთავაზობს
საქართველოში პირველად, უძრავი ქონების სკოლა Reschool გაიხსნება
კრისტალის საჭადრაკო ბლიც-თამაში "ყველა ქალი ჩემპიონია"
სასტუმრო „რადისონ ბლუ ივერიამ“ 10 წლის იუბილე აღნიშნა