ამერიკელი სამხედროები, ერაყში ტერორისტული ორგანიზაცია „ისლამური სახელმწიფოს“ მებრძოლების დამარცხების შემდეგ საერთაშორისო კონტრტერორისტული კოალიციის სამხედრო ბაზას ტოვებენ, - ამის შესახებ Associated Press წყაროზე დაყრდნობით იუწყება.

მისი მონაცემებით, კოალიციამ აშშ-ს მეთაურობით სამხედრო ოპერაციის დაწყების შემდეგ პირველად გააფორმა ხელშეკრულება ერაყში სამხედრო ძალების შემცირების შესახებ. სამხედროებსა და იარაღს გადაიტანენ ავრანეთში არსებულ სამხედრო ბაზაზე. Associated Press-ის მიხედვით, ბოლო კვირის განმავლობაში ქვეყანა რამდენიმე ათეულმა ადამიანმა დატოვა.

„ისლამური სახელმწიფოს“ წინააღმდეგ მებრძოლი საერთაშორისო კოალიცია აშშ-ს ინიციატივით ნატო-ს სამიტზე 2014 წელს შეიქმნა. ამერიკული წყაროების მიხედვით, მას მხარს უჭერს 60 სახელმწიფო, მათ შორის დიდი ბრიტანეთი, ავსტრალია, იორდანია, საფრანგეთი, დანია, ნიდერლანდები, ბაჰრეინი, საუდის არაბეთი და არაბეთის გაერთიანებული საემიროები. 2017 წლის დეკემბერში აშშ-ს პრეზიდენტმა დონალდ ტრამპმა განაცხადა, რომ ქვეყანამ მიაღწია „ისლამური სახელმწიფოს“ ტერორისტებზე გამარჯვებას სირიასა და ერაყში.