რუსეთის პრეზიდენტი ვლადიმერ პუტინი საპრეზიდენტო არჩევნებზე კანდიდატად დაარეგისტრირეს. აღნიშნული გადაწყვეტილება რუსეთის ცენტრალურმა საარჩევმო კომისიამ მიიღო.

„ეს უპრეცედენტო შემთხვევაა. ყველა კანდიდატმა, რომელმაც ცენტრალურ საარჩევნო კომისიას მომართა, შემოწმება გაიარა“, - განაცხადა რუსეთის საარჩევნო კომისიის თავმჯდომარემ ელა პამფილოვამ.

აღსანიშნავია, რომ რუსეთის ცენტრალურმა საარჩევნო კომისიამ რვა პირისგან მიიღო საბუთები საპრეზიდენტო კანდიდატად დასარეგისტრირებლად. აქამდე საპრეზიდენტო კანდიდატებად დაარეგისტრირეს ვლადიმერ ჟირინოვსკი და პაველ გრუდინინი.

რუსეთის საპრეზიდენტო არჩევნები მიმდინარე წლის 18 მარტს გაიმართება.