უკრაინის გენერალური პროკურორის იური ლუცენკოს განცხადებით, გამოძიება საქართველოს ყოფილი პრეზიდენტის მიხეილ სააკაშვილისთვის შინაპატიმრობის სახით აღკვეთის ღონისძიების გახანგრძლივების მოთხოვნას არ აპირებს, ”ვინაიდან პოლიტიკოსმა დაკითხვაზე სიარული დაიწყო”. ამის შესახებ ლუცენკომ ТСН-თან ინტერვიუში განაცხადა.
„რამდენიმე უცნაური აქციის შემდეგ სააკაშვილმა დაკითხვაზე სიარული დაიწყო. ჩვენ არ ვაპირებთ აღკვეთის ღონისძიების ვადა გავახანგრძლივოთ. ჩემი ინფორმაციით, უახლოეს მომავალში მას კიდევ რამდენიმე დაკითხვა ელის. ვიმედოვნებ, რომ ის კვლავ მშვიდად მოვა და მისცემს შესაბამის ჩვენებას“, - განაცხადა უკრაინის გენერალურმა პროკურორმა.
როგორც ცნობილია, მიხეილ სააკაშვილს შინაპატიმრობის ვადა დღეს ამოეწურა.